Samtökin Áfram Ísland halda áfram fundaröð sinni um land allt í sumar, og héldu fjölmennan fund á Selfossi í gær. Fundirnir eru haldnir í aðdraganda þjóðaratkvæðagreiðslunnar 29. ágúst, en samtökin telja Íslandi betur borgið utan Evrópusambandsins og beita sér gegn því að aðildarviðræður verði hafnar að nýju.
Frummælendur voru þau Guðmundur Fertram, stofnandi og forstjóri Kerecis, Margrét Hrund Arnarsdóttir, bóndi, Bjarni Harðarson, fyrrverandi alþingismaður og bóksali á Selfossi og Oddný Steina Valsdóttir, bóndi og ráðunautur. Ekki voru leyfðar fyrirspurnir og umræður eftir fundinn. Stefán Pálsson sagnfræðingur var fundarstjóri. Bjarni líkti kosningunni 29. ágúst við söguna um Rauðhettu og úlfinn.
Bjarni Harðarson líkti kosningunni 29. ágúst saman við söguna um Rauðhettu og úlfinn.
„Upphaflega útgáfan af Rauðhettu sögunni var bara þannig að stúlkan fór út af götunni og þá var hún étin. Þetta var gagnleg saga um þessa litlu stúlku, sem var send til ömmu sinnar eða eitthvað annað, væru ekki að fara út af götunni því þetta var raunveruleg hætta. En í svona mildari versjónum, sem hefðu aldrei dugað að rétta að saxneskum börnum, þau vissu og hefðu vitað alin upp í sveitinni að slíkt væri tóm þvæla. Þá kom veiðimaðurinn og náði rauðhettu barninu alveg heilu úr maga úlfsins og allir þeir, sem trúa því að það sé hægt að éta barn og ná svo í það heilt og lifandi út úr maga úlfsins, þeir ættu að segja já í lok ágúst en við hin, sem vitum að þetta er tóm vitleysa við segjum nei,” sagði Bjarni.
