Íslensk stórstjarna mætir í Springfield og syngur fyrir Hómer í nýjum sérþætti á Disney+. Íslenska tónlistarkonan Laufey Lín Jónsdóttir heldur áfram að leggja heiminn að fótum sér. Nú hefur verið staðfest að hún muni breytast í hliðstæðu af sjálfri sér í teiknimyndinni þáttunum The Simpsons í sumar.
Laufey kemur fram sem sérstakur gestur ásamt kanadísku hljómsveitinni Tegan and Sara í nýjum tvöföldum sérþætti sem nefnist Extreme Makeover: Homer Edition. Þátturinn verður sýndur 17. júní næstkomandi á streymisveitunni Disney+.
Í þættinum reynir á hjónaband Hómers og Marge eftir misheppnað stefnumót. Marge fer að ímynda sér fullkomnari útgáfu af manni sínum. Laufey er skráð sem tónlistargestur þáttarins og fylgir þar með í fótspor risastjarna eins og Lady Gaga og Billie Eilish sem hafa áður heimsótt hina gulu fjölskyldu.
