Þróttur úr Reykjavík vann mikilvægan sigur á Grindavík, 2:0, í 1. deild karla í fótbolta í Laugardalnum í kvöld.
Sigurinn var kærkominn fyrir Þróttara sem höfðu ekki unnið í þremur leikjum í röð eftir frábæra byrjun. Þróttarar eru komnir í þriðja sætið með 13 stig en Grindavík er í ellefta sæti með sjö.
Kári Kristjánsson kom Þrótti yfir í fyrri hálfleik og Örn Bragi Hinriksson bætti við seinna marki liðsins í seinni hálfleik.
