Inga fær verstu útreiðina

Kristrún Frostadóttir er efst á lista yfir þá ráðherra sem hafa staðið sig best á kjörtímabilinu að mati þátttakenda í nýrri könnun Maskínu, en Inga Sæland þykir hafa staðið sig verst. 

Þegar spurt er hvaða ráðherra finnst þér hafa staðið sig best á yfirstandandi kjörtímabili trónir Kristrún Frostadóttir á toppnum með 21,1 prósent atkvæða. Skiptar skoðanir eru hins vegar á störfum Ingu Sæland, því hún vermir einnig annað sætið yfir þá ráðherra sem hafa staðið sig best, með 10,5 prósent. Næst kemur Þorbjörg Sigríður Gunnlaugsdóttir með 10,3 prósent og Þorgerður Katrín Gunnarsdóttir með 6,7 prósent. 

Jóhann Páll Jóhannsson er í fimmta sæti á listanum með 6,4 prósent en aðrir ráðherrar fá undir þrjú prósent. 

Við spurningunni hvaða ráðherra finnst þér hafa staðið sig verst á yfirstandandi kjörtímabili nefna 24,6 prósent Ingu Sæland. Þorgerður Katrín kemur þar á eftir með 19,8 prósent. Eyjólfur Ármannsson er næstur í röðinni en 8,7 prósent …