Sænski húsgagnarisinn IKEA tilkynnti í morgun að verð á 1.500 vörum myndi lækka í dag víðsvegar í Evrópu. Lækkunin nemur 15 til 28 prósentum. Markmiðið er að laða að viðskiptavini sem hafa horft upp á hækkun framfærslukostnaðar.
IKEA hefur lækkað verð hjá sér nokkrum sinnum á undanförnum árum sem hefur birst í lægri tekjum og arðsemi fyrirtækisins í síðustu ársskýrslum.
Jakub Jankowski, framkvæmdastjóri móðurfélagsins Inter Ikea Group, segir að fyrirtækið hafi skuldbundið sig til lengri tíma til að lækka verð fyrir viðskiptavini sína. Ekki verði þrýst á framleiðendur sem fyrirtækið eigi í viðskiptum við um að lækka hjá sér kostnað. Aukin sala sé líkleg til þess að framleiðendur verði að framleiða meira.
Áætlað er að verðlækkunin kosti Inter Ikea Group um einn komma tvo 1,2 milljarða evra, segir Jakowski.
