Hvað gerðist á Krýsuvíkurvegi?
Ökumaður bifreiðar sem hafnaði utan vegar á Krísuvíkurveginum, þar sem þrennt lét lífið, var á 233 kílómetra hraða samkvæmt appi sem ungmenni nota sín á milli til þess að fylgjast með hraðatölum.
Upplýsingar úr svokölluðu Life360 appi sýna að bifreið sem var ekið á Krísuvíkurveginum fór hraðast í 233 kílómetra hraða áður en bifreiðin fór út af og skall á stein. Þrjú ungmenni létust í slysinu, það yngsta fætt 2009 og það elsta 2005. Það er 90 kílómetra hámarkaðshraði á veginum, en mælt með að ökumenn aki á 70 kílómetra hraða á vegkaflanum þar sem slysið átti sér stað. Ekki er hægt að fullyrða að mælingin í appinu sé nákvæm og því þarf að taka henni með fyrirvara.
Blaðamaður hefur séð myndband úr appinu sem sýnir að ökumaður er á miklum hraða á stuttum kafla Krýsuvíkurvegarins. Hann missir stjórn á bílnum í beygju sem bíður handan blindhæðar nærri Bláfjallaafleggjaranum og sést það með striki sem táknar bílinn í appinu.
Myndbandið er í dreifingu á meðal …
