Hvað er um að vera hérna

Mikil umræða er jafnan um bílastæði í miðborginni og sjaldan hefur jafnmikil umræða skapast eins og þegar Ari Edwald, frambjóðandi Miðflokksins fyrir komandi borgarstjórnarkosningar, fann ekki bílastæði í göngugötu þar í síðustu viku. Sjá einnig: Myndband: Ari Edwald hneykslaður – „Bara skemmdarverk“ Eins og fjölmargir bentu honum á eru fjögur bílastæðahús í örfárra mínútna gönguferð frá þar sem hann var að rúnta. Sjá einnig: Myndband oddvita Miðflokksins vekur hörð viðbrögð – „Ertu í alvöru að aka í göngugötu og kvarta yfir skort á bílastæðum?“ Vill ekki að yfirborð borgarlands þjáist vegna bílastæða Eyþór Máni Steinarsson, frambjóðandi Viðreisnar fyrir sömu kosningar, leigubílstjóri og fyrrverandi formaður Samtaka um bíllausan lífsstíl, tjáir sig um bílastæðamál miðborgarinnar. Segist hann vilja sjá bíla í bílastæðahusum og helst kjöllurum og vill ekki að yfirborð borgarlands þjáist til að leysa bílastæðavandann. Eyþór Máni bendir á nokkrar lóðir í miðbænum þar sem að hans sögn má koma fyrir alls 5.712 bílastæðum eða sem samsvarar 21,4 Traðarkotum. Traðarkot er bílastæðahús á Hverfisgötu 20 gegnt Þjóðleikhúsinu en þar eru 270 bílastæði.