Hvenær er sam­bandi lokið? Hvenær er ástin ekki nóg? Er það þegar vondu dag­arnir eru fleiri en þeir slæmu? Eða þegar öll von er úti um að góðu dög­unum eigi eftir að fjölga í fram­tíð­inni? Um síð­ustu helgi var Djöflar eftir sænska höf­und­inn Lars Norén frum­sýnt í Borg­ar­leik­hús­inu. Svörin við ofan­greindum spurn­ingum eru kannski ekki að finna í sýn­ing­unni heldur krefur leik­skáldið áhorf­endur um að máta sig við óham­ingj­una.

Norén er þekktur fyrir myrka sýn sína á mann­leg sam­skipti og sam­bönd. Djöflar eru hans til­brigði við leik­verk á borð við Hver er hræddur við Virginíu Woolf? eftir Edward Albee og Elsk­hugan eftir Harold Pinter. Við erum stödd á heim­ili hjón­anna Frank og Katarínu sem eiga í til­finn­inga­legu og and­legu stríði við hvort annað. Móðir Franks er nýlátin en það er ekki orsök óham­ingj­unnar heldur frekar hvat­inn sem leiðir til loka­or­ust­unnar. Eftir að kvöld­plönin falla niður bjóða þau Jennu og Tómasi, …