Athafnamaðurinn Fjölnir Þorgeirsson hefur myndbirt tvo unga menn sem að hans sögn stálu rafmagnshlaupahjóli af syni hans síðdegis í gær.
Þjófnaðurinn átti sér stað við götuna Gulaþing. Á Facebook-síðu sinni óskar Fjölnir eftir upplýsingum um hvar hjólið er niðurkomið og gefur upp símanúmer sitt.
Fjölnir vildi lítið sem ekkert tjá sig um málið við DV en vísaði í Facebook-færslu sína. Hjólið var ófundið er blaðamaður hafði samband við Fjölni á ellefta tímanum í morgun.
