Høiby bað formlega um að vera látinn laus úr gæsluvarðahaldi í gær vegna ástandsins. Lögreglan neitaði upphaflega beiðni hans en fangelsismálayfirvöld hafa nú gripið inn í málið. TV2 greinir frá því að lögreglan hafi neitað beiðninni vegna skorts á mannafla. Fangelsismálayfirvöld hafi þá ákveðið að stíga inn í málið með aðstoð svo hægt sé að verða við beiðninni.
Gunnar Guðmundsson lungnalæknir útskýrði sjúkdómsástand krónprinsessunnar vel fyrir lesendum fyrr í dag:
Hákon krónprins batt skyndilegan endi á opinbera heimsókn sína til Japan í vikunni eftir að krónprinsessunni hrakaði hratt. Þá sneri dóttir þeirra, prinsessan Ingiríður Alexandra, heim með skyndi frá Ástralíu þar sem hún var við nám. Ákveðið hefur verið að hún haldi námi sínu áfram frá Ósló í haust.
Prinsessan og bróðir hennar, prinsinn Sverrir Magnús, eyddu á fimmtudaginn nokkrum klukkustundum á sjúkrahúsi með móður sinni. Þau heimsóttu síðan um kvöldið hálfbróður sinn, Marius Høiby, í fangelsið á fimmtudagskvöld.
Dómur verður kveðinn upp í máli Høiby þann fimmtánda júní. Ríkissaksóknari hefur sjö ára og sjö mánaða langrar fangelsisvistar þar sem hann er meðal annars ákærður fyrir fjórar nauðganir og ofbeldisbrot í nánu sambandi.
