Shkelzen Vaseli skoraði tvívegis fyrir Leikni úr Reykjavík þegar liðið tók á móti HK í 1. deild karla í fótbolta í Efra-Breiðholti í dag.
Leiknum lauk með öruggum sigri Leiknis, 4:1, en Birnir Breki Burknason og Djordje Vladisavljevic voru einnig á skotskónum fyrir Leikni.
Dominik Radic skoraði mark HK á 62. mínútu í stöðunni 4:0 en HK er með 12 stig í þriðja sæti deildarinnar.
Leiknir er hins vegar með níu stig í sjöunda sætinu og komið úr fallsæti eftir sigur dagsins.
