Ef þú átt ekki nú þegar bókaðan miða til Tenerife er tilvalið að skoða hvar eru bestu strendur í Evrópu og íhuga að ferðast þangað. Samkvæmt nýlegu gæðamati á ströndum í Evrópu kom í ljós að bestu strendur í Evrópu eru í Grikklandi.
European Best Destinations gerði úttektina. Þegar kom að því að leggja mat á strendurnar voru nokkrir þættir skoðaðir þar á meðal náttúrufegurð, gæði sjávarsins, aðgengi, þjónusta, hversu fjölskylduvæn ströndin er. Einnig var horft til þess hvort stemmningin sé góð á ströndinni sem skiptir auðvitað gríðarlega miklu máli og að fólk geti hvílt sig fjarri ys og þys.
Sú besta í Portúgal
Ströndin sem þótti sú besta var ströndin Monte Clerigo í Portúgal en ströndin er einnig kölluð strönd sólsetursins. Ströndin er á Algarve-svæðinu sem er vinsælt meðal Íslendinga og því auðvelt að gera sér ferð þangað í sumar. Ströndin er staðsett í þjóðgarðinum Natural Park of Southwest Alentejo sem er vinsæl meðal göngu- og brimbrettafólks.
Topp tíu bestu strendur í Evrópu
1. Monte Clerigo í Portúgal
2. Voutoumi á eyjunni Antipaxos í Grikklandi.
3. Fteri á eyjunni Kefaloniu í Grikklandi.
4. Elafonisi á eyjunni Krít í Grikklandi.
5. Bogliasco Beach á Ítalíu.
6. Cala Mesquida á eyjunni Mallorca á Spáni.
7. Kvalvika í Noregi.
8. Rovinia á eyjunni Korfú í Grikklandi.
9. Kaputas í Tyrklandi.
10. Paleokastritsa á eyjunni Korfú í Grikklandi.
