Handknattleiksmaðurinn Kristófer Máni Jónasson hefur leikið sinn síðasta leik í bili fyrir FH.
Þetta kemur fram í tilkynningu félagsins en Kristófer Máni heldur til Seattle í meistaranám í byggingar- og fasteignastjórnun.
Kristófer Máni, sem er 24 ára gamall, gekk í raðir FH frá Val í fyrra en FH-ingar töpuðu fyrir Valsmönnum í oddaleik í úrslitaeinvíginu um Íslandsmeistaratitilinn.
Hann tók vítin fyrir FH-inga og skoraði 36 mörk í úrslitakeppninni.
